布殊見到英女皇，請教佢：「陛下，妳點樣攪到個政府咁有效率？可唔可以俾D貼士我呢？」
「哦，」女皇話：「最緊要係你周圍有班有智慧的人。」
布殊個面紅左。「之但係我點知周圍的人真係有智慧呢？」
女皇呷一口茶。「哦，好易唶，你俾個智力測驗佢試下囉。聽住。」女皇撳下個對講機：「唔該叫貝里雅入來。」
貝里雅入房。「女皇陛下。」
女皇微笑。「雅仔，答我一條問題。你阿媽同你老豆生左個細路，不過唔係你的兄弟姊妹，咁佢係邊個？」
諗都唔駛諗，貝里雅就答：「咪就係我囉。」
女皇話：「好，答得好。」
返到白宮，布殊話要同副總統切尼傾計。「肥佬，你話我知，你阿媽同你老豆生左個細路，不過唔係你的兄弟姊妹，咁佢係邊個？」
「我唔係好清楚，等我問下人，轉頭答你。」
切尼問勻佢班謀臣都冇個識答，卒之佢急到去廁所，憑對鞋認得隔離格個男人係鮑威爾，就大聲嗌：「阿鮑，話我知你阿媽同你老豆生左個細路，不過唔係你的兄弟姊妹，佢係邊個？」
鮑威爾話：「易啦，咪就係我囉。」
切尼話：「唔該哂！」
返到橢圓形辦公室，切尼即刻稟俾布殊聽：「我研究過之後，發覺係阿鮑。」
布殊罄過辣雞，起身走埋去對住切尼兜口兜面話：「係貝里雅呀，死蠢！」
